«Реал» ҳужумчиси Криштиану Роналду ўзининг Инстаграмдаги саҳифасига «Барселона» форварди Лионель Мессининг суратини жойлади. Расм ФИФАнинг 2017 йилги энг яхши футболчисини тақдирлаш маросимидан олинган бўлиб, унда кичик Роналду аргентиналик футболчининг қўлини сиқиб турибди.
«Раҳмат, менинг кумирим», – дея имзо чекди у расм остига.
Криштианунинг ўғли ва Мессининг танишуви 2015 йили Цюрихда бўлиб ўтган «Олтин тўп»ни топшириш маросимида рўй берганди. Ўз оиласи даврасида турган бола уларнинг яқинидан ўтиб кетаётган Лионелнинг олдига югуриб бориб, у билан қўл бериб сўрашганди.
«Қалайсан? Ҳаммаси яхшими?» – дея сўраганди ўшанда Месси. Бунга жавобан отаси: «Ўғлим интернетда сенинг иштирокингдаги ўйинларни томоша қилади ва сен ҳақингда кўп гапиради», – дея кулганди Криштиану.
