Лондоннинг “Челси” клуби раҳбарияти бельгиялик ярим ҳимоячи Эден Азарга янги шартнома таклиф этишни режалаштирган.
Бироқ футболчининг ўзи келаси йил Мадриднинг “Реал” клубига ўтишни истамоқда. Бу ҳақда “The Times” нашри хабар бермоқда.
Хабарда айтилишича, лондонликлар 26 ёшли футболчининг ҳафталик маошини 300 минг фунтга кўтариш билан бирга уни жамоада энг кўп маош оладиган футболга айлантиришмоқчи.
Аммо Эден Азар янги шартнома имзолаш бўйича шошилаётгани йўқ ва мавсум якунида агенти билан “Реал”га кўчиб ўтиш бўйича масалаларни кўриб чиқишни режалаштирган.
Шунингдек, Азар янги шартнома бўйича “Челси”нинг таклифини мавсум якунига қолдирган. Футболчи “Реал” жамоасидан таклиф бўлишини интизорлик билан кутмоқда.
Маълумот учун, Азарнинг “Челси” билан амалдаги шартномаси 2020 йилнинг ёзига қадар давом этади.
