Londonning “Chelsi” klubi rahbariyati belgiyalik yarim himoyachi Eden Azarga yangi shartnoma taklif etishni rejalashtirgan.
Biroq futbolchining o‘zi kelasi yil Madridning “Real” klubiga o‘tishni istamoqda. Bu haqda “The Times” nashri xabar bermoqda.
Xabarda aytilishicha, londonliklar 26 yoshli futbolchining haftalik maoshini 300 ming funtga ko‘tarish bilan birga uni jamoada eng ko‘p maosh oladigan futbolga aylantirishmoqchi.
Ammo Eden Azar yangi shartnoma imzolash bo‘yicha shoshilayotgani yo‘q va mavsum yakunida agenti bilan “Real”ga ko‘chib o‘tish bo‘yicha masalalarni ko‘rib chiqishni rejalashtirgan.
Shuningdek, Azar yangi shartnoma bo‘yicha “Chelsi”ning taklifini mavsum yakuniga qoldirgan. Futbolchi “Real” jamoasidan taklif bo‘lishini intizorlik bilan kutmoqda.
Ma’lumot uchun, Azarning “Chelsi” bilan amaldagi shartnomasi 2020 yilning yoziga qadar davom etadi.
