“Манчестер Юнайтед” клуби ярим ҳимоячиси Поль Погба “Арсенал”га қарши ўйин (3:1) даги четлатилишига изоҳ берди.

“Манчестер Сити”га қарши ўйинда афсуски қатнаша олмайман. Тақдиримда шу кунлар ҳам бор экан. Нега тақдир ҳақида гапираётганимни англаган бўлсангиз керак.

Ўтмишни қайтариб бўлмайди, фақат келажак ҳақида ўйлашим керак. “Арсенал”га қарши ўйиндан сўнг ён ҳакамга ҳеч нима деганим йўқ, чунки гапиришга ортиқча вақтим йўқ эди.

Тўғрисини айтсам, Экторга қарши билиб қўполлик кўрсатмадим. Афсуски, ўша вазиятда ўзимни боса олмадим. Ҳаммаси мен учун оддий туюлганди аммо, жиддий бўлиб чиқди”, - дейди Погба.

Маълумот учун, Погба тўғридан – тўғри қизил карточка олгани учун 3 та ўйинга дисквалификация қилинди.