"Реал" бош мураббийи Зинедин Зиданнинг маълум қилишича, клуб АПОЭЛ билан учрашувда (6:0) атайлаб сариқ карточка ишлаб олгани учун Даниэль Карвахални икки ўйинга дисквалификация қилган УЕФА қарорига нисабатан апелляция беради.
Футболчи "Боруссия" Д билан учрашувни (3:2) ўтказиб юборган ва энди у дисквалификациянинг битта ўйинида иштирок этмаслиги керак.
"Буни атайлаб қилинганини исботлаб бўлмайди. У атайлаб сариқ карточка ишлаб олди, деб ўйламайман. У буни ҳохламаган эди.
Биз апелляция берамиз, умид қиламизки, жазо бекор қилинади. Акс ҳолда бизга бу нисбатан адолатсизлик бўлади", - дейди Зидан.
