Ҳимоячи Серхио Рамос “Реал” клуби Матбуот хизматига клублар ўртасидаги ЖЧ мусобақаси борасида ўз фикрларини билдириб ўтди.
“Клублар ўртасидаги ЖЧни интизорлик билан кутгандик. Бу ерда бўлишнинг ўзи катта ютуқ. Демак, биз совринни ҳимоя қилишимиз керак.
Узоқ сафардан сўнг бу ернинг иқлимига мослашиб олиб, ундан кейин олтинчи марта чемпион бўлишни ўйлаймиз.
Мусобақани кўтаринки руҳда бошлашимизга умид қиламан. Бу мухлисларимизни хурсанд қилиш учун яна бир имкон деб ўйлайман.
“Севилья” устидан ғалаба қозонгандан сўнг диққатимизни бир жойга жамладик ва фақат ғалаба қозониш учун майдонга тушишга қарор қилдик”, - дейди Рамос.
