Осиё бокс конфедерацияси 2017-йилнинг энг яхшиларини аниқлаш мақсадида сўровнома ташкил этди.
Сўровнома якунига кўра, "Йилнинг энг яхши боксчиси" йўналишида Гамбургдаги жаҳон чемпионатининг олтин медаль соҳиби Шаҳрам Ғиёсов ғолиб бўлди. Ҳамюртимиз овозларнинг 57,2 фоизига эгалик қилди.
Шаҳрамдан кейинги иккинчи поғонани эса яна бир таниқлик боксчимиз Ҳасанбой Дўсматов банд қилди. Рио олимпиадасининг олтин медаль соҳиби 32,8 фоиз овоз тўплашга эришди. Кучли учликка эса қозоғистонлик Қайрат Ералиев якун ясади.
"Йил кашфиёти" йўналишида ҳам икки нафар боксичимиз эътироф этилишди. Унга кўра, Гамбургдаги мундиалда муваффақиятли иштирок этган Иқболжон Холдоров ва Санжар Турсунов бу йўналишда кучли учликка киритилишди. Биринчи поғонани суриялик Ҳуссайн Ал-Масри эгаллади. Бироқ, бу сўровномада бокчсиларимиз кичик фарқ билан ортда қолиб кетишди.
Шунингдек, Осиё бокс конфедерацияси "Йилнинг энг яхши бокс федерацияси" йўналишида ҳам сўровнома ташкил этди. Бу йўналишда эса Ўзбекистон бокс федерацияси катта фарқ билан ғолиб деб топилди. Ўзбекистон бокс федерацияси мухлисларнинг 91% овозига эга бўлди.
Осиё бокс конфедерацияда ўзбек боксчилари бу мавсум ҳамма мусобақада муваффақиятлик қатнашишгани алоҳида тилга олинди.
