Бирлашган Араб Амирликлари мамлакатида клублар ўртасидаги жаҳон чемпионати мусобақасининг ярим финалидан ўрин олган “Ал-Жазира” - “Реал” учрашуви якунига етди. Унда “Реал” қийинчилк билан “Ал-Жазира”ни 2:1 ҳисобида мағлубиятга учратди.
“Реал” биринчи бўлимнинг ўзида деярли 20 га яқин зарба йўллади бироқ ўз мақсадига ета олмади. “Ал-Жазира”нинг кам сонли ҳужумларидан бири эса 41-дақиқага келиб гол билан якун топди. Гол муаллифи Ромариньо.
Ўйиннинг иккинчи бўлими бошланиши билан “Ал-Жазира” қарши ҳужумга чиқиб кетди ва якунда Али Мабҳут дарвозабон Кейлор Навас билан яккама якка чиқди ва оффсайдда қолган шеригига пас берди ва у “Реал”дарвозасига тўп киритганди.
Бироқ юқорида айтиб ўтганимиздек, Буссуфанинг оффсайда қолгани сабаб ушбу гол инобатга олинмади. Орадан яна бироз вақт ўтиб, Криштиану Роналду “Ал-Жазира” ҳимоячиларининг хатосидан кейин орадаги фарқни қисқартирди. 1:1.
81-дақиқада Гарет Бэйл захирадан майдонга тушди ва ўз қайтишини гол билан нишонлади. 1:2. Ўйин якунига қадар яна бир қанча хавфли вазиятлар содир этилди.
Аммо ўйиннинг якуний натижаси айнан мана шундай ҳисоб билан якун топди ва “Реал” ҳамюртимиз Сардор Рашидов тўп сурадиган “Ал-Жазира” клубини мағлубиятга учратиб, финалда “Гремиу” билан ўйнаш ҳуқуқини қўлга киритди.
Клублар ўртасидаги ЖЧ. 1/2 финал.
Аль-Жазира БАА – Реал Мадрид Испания 1:2.
Голлар: 1:0 – 41 Ромариньо, 1:1 – 53 Роналду, 1:2 – 81 Бэйл.
Аль-Жазира – Хасиф (Саиф, 51), Фарес Джума, Айед, Омар, Аль-Хаммади (Аль-Отайба, 60), Юсеф (Аль-Гилани, 72), Рашид, Буссуфа, Файез, Мабхут, Ромариньо.
Реал Мадрид – Навас, Варан, Марсело, Хакими, Начо, Модрич, Каземиро, Иско (Асенсио, 68), Ковачич (Васкес, 68), Роналду, Бензема (Бэйл, 81).
Огоҳлантиришлар: Айед (68).
