Ҳатто мисрлик энг оптимист мухлис ҳам 1990 йилда навбатдаги ҳасрат яна салкам ўттиз йил давом этишини тасаввур қилолмасди. Гап шундаки, Миср терма жамоаси ўшанда 56 йил деганда Жаҳон чемпионатига чиққанди. Бироқ омадсиз ўйинлари билан дарров ортга қайтган терма жамоанинг ҳасрати бу гал 28 йил давом этди. Ниҳоят, мана, улар яна Жаҳон чемпионатида. Кимнинг шарофати билан?

Миср терма жамоаси охирги марта 1990 йилда, Италияда ўтказилган мундиалда қатнашганди. Ўшандан сўнг гарчи Африка Миллатлар Кубогида тўрт карра чемпион бўлган бўлса-да, бироқ ЖЧга чиқолмади. Аксинча, бу йил “фиръавнлар ўлкаси” қитъа биринчилигида кумуш медал олган бўлишига қарамай, мисрликлар бундан хафа эмас. Чунки терма жамоанинг айни дамдаги етакчиси мухлисларига олам-олам қувонч улашиб, терма жамоасини Россияда ўтказиладиган ЖЧга олиб чиқди.

Футбол — жамоавий ўйин. Аммо ҳар қандай жамоага, албатта, лидер керак. Битта бош бўлмаган ҳар қандай жамоа таркиби юлдузлардан ташкил топса ҳам нодир ҳоллардагини омадга эриша олади, холос. “ЖЧ-2018”нинг саралаш мусобақаси сўнгги турида Конгони 2:1 ҳисобида мағлуб этаркан, Миср миллий терма жамоасини ЖЧга олиб чиққан Муҳаммад Салоҳ юртдошларининг 28 йиллик ҳасратига чек қўйди.

Гол урмаса, йиғларди…

Муҳаммад 1992 йилнинг 15 июнида Мисрнинг чекка Нагриг шаҳрида туғилган. Унинг футболга болалигидан меҳри бўлак эканига бир пайтлари отаси Гали Салоҳ ҳам футболчи бўлганини сабаб қилиб келтириш мумкин. 11 ёшида Муҳаммад “Ал Мукавлун” жамоаси ёшлар таркибида илк сабоқларини бошлади. Дастлабки кунларданоқ у жамоа мураббийларининг эътиборига тушади. Ҳаракатчан, тезкор, эҳтиёткор, оригинал дриблинглар билан Салоҳ ўзининг жойи — чап қанот ярим ҳимоясини тарк этиб, ҳужумга чиқиб кетар, ҳужумлари эса кўпинча маҳсулдор бўларди.

Унинг ярим ҳимоядан ҳужумга ўтишининг қизиқ бир ҳикояси бор. Давоми