Каталониянинг “Барселона” клуби ярим ҳимоячиси Иван Ракитич “Реал”га қарши “Эль-Класико” учрашуви олдидан ҳазил тариқасида қайсидир жамоа янги йил байрамини ёмон кайфиятда кутиб олиши ҳақида айтиб ўтди.
“Кимгадир байрам омад келтирмаслиги аниқ. Ё биз ёки “Реал” жамоасидагилар янги йилни ёмон кайфиятда кутиб олишлари аниқ.
Албатта, бу ҳазил. Лекин, биз бу ўйинга ҳар доимгидек жиддий тарзда тайёрланамиз.
“Барселона” футболчиларида Мадриддаги стадиондан ёрқин хотиралар сақланиб қолган.
Ишонч билан айтишим мумкинки, “Барселона” “Эль-Класико” куни фақат ғалаба учун ўйнайди.
“Реал”га қарши учрашув янги йилга яхши кайфията ўтишимиз учун ажойиб имконият бўлади. Умид қиламанки, ўйлаган режамиз ва мақсадимизга етамиз”, – дейди Ракитич.
Эслатиб ўтамиз, “Реал” – “Барселона” учрашуви 23 декабрь куни Тошкент вақти билан 17:00 да бошланади.
Маълумот учун, “Барселона” Испания Ла-Лигасининг 15-туридан сўнг 39 очко жамғариб, жадвалда пешқадам бўлиб турган бўлса, “Реал” 31 очко билан 4-ўринни банд этиб турибди.
Акмалхон Эшонхонов
