Футбол оламида кутилмаган воқеалар учраб туради. Биз ХХI асрдаги энг кутилмаган чемпионликлар бешталигини тузиб чиқдик.

5. “Монпеле”
Натижаси: 2011/2012 йилги мавсум Франция чемпиони
2011/2012 йилги мавсумда Парижда катта лойиҳалар амалга оширила бошлади. “ПСЖ” бошқарув рулига машҳур Карло Анчелотти таклиф этилди. Кўпчилик чемпионлик учун “ПСЖ” асосий даъвогар сифатида эътироф эта бошлади. Бироқ мавсум давомида бир темпда ўйнаган “Монпеле” кутилмаганда чемпионликни қўлга киритди. Рене Жерар шогирдлари асосий таъқибчиси бўлган “ПСЖ”да уч очко кўп жамғаришди. Жамоа етакчиси Оливе Жиру эса 21 та гол билан чемпионат тўпурари бўлди.

4. “Атлетико”
Натижаси: 2013/2014 йилги мавсум Испания чемпиони
Балки “Атлетико”нинг чемпионлигини бу рўйҳатга қўшиш нотўғри деб ҳисобларсиз. Бироқ 2013 йил мавсум аввалида “Реал” Бейлни, “Барса” Неймарни катта маблағлар эвазига ўз сафига қўшиб олгач, Ла лига чемпионлиги учун ушбу икки жамоа кураш олиб бориши аниқдай гап эди. Зеро Роналду ва Месси бор жойда, биринчи ва иккинчи ўрин банд ҳисобланади. Аммо Диего Симеоне шогирдлари ўша мавсумда ҳаммани ажаблантирган ҳолда, чемпионликни тантана қилишди. Боз устига Мадридликлар охирги турда “Камп Ноу”да меҳмон бўлиб, чемпионликни расмийлаштиришди.

3. “Порту”
Натижаси: 2003/2004 йилги мавсум Чемпионлар лигаси ғолиби
2003/2004 йилги мавсумда Португалиянинг “Порту” жамоаси Чемпионлар лигаси финалида “Монако”ни мағлуб этган ҳолда, сенсацион тарзда ушбу мусобақада зафар қучди. Зеро, кўпчилик мавсум аввалида соврин учун “Реал”, “Милан”, “Манчестер Юнайтед”, “Реал”, “Челси” каби жамоаларни фаворит сифатида эътироф этаётганди. Аммо Жозе Моуриньо ва унинг шогирдлари Европанинг клублар ўртасидаги энг нуфузли мусобақасида мўъжиза ярата олишди.

Давоми>>>