Мадриднинг “Реал” клуби ярим ҳимоячиси Лука Модрич клублар ўртасидаги жаҳон чемпионатининг энг яхши футболчиси сифатида эътироф этилди.
Хорватиялик хавбек “Реал”нинг турнирдаги ҳар икки учрашувида ҳам тўлиқ иштирок этди ва ярим финалда “Ал-Жазира”га қарши учрашув (2:1) да голли узатма муаллифига айланди.
Шунингдек, финалда ғалаба тўпини киритган Криштиану Роналду иккинчи ўринга лойиқ кўрилди, “Пачука” футболчиси Хонатан Урретавискайя эса мусобақанинг энг яхши футболчилари орасида учинчи ўринни банд этди.