Мадриднинг “Реал” клуби бош мураббийи  Зинедин Зидан КЎЖЧ финалида “Гремио”га қарши  ўйин (1:0) дан сўнг ўз фикрларини билдириб ўтди.

“Жиддий ва сифатли ўйин  намойиш қилдик. Биз ўйин бошидан маъсулятни сезиб ўйнадик ва ғалабага эришдик.

Шогирдларим қилаётган ишни уддалаш мураккаб вазифа улардан жуда хурсандман. Бу бизнинг мавсумдаги бешинчи совринимиз бўлди ва ўйлайманки охиргиси эмас.

Роналду ўзини кўрсатди, у ҳеч қачон “Реал”га панд бермайди ва доим муҳим вазиятларни ҳал қила олади”, - дейди Зидан.

Эслатиб ўтамиз, “Реал” клубини Ла-Лигада 23-декабрь куни “Барселона”га қарши учрашув кутиб турибди.