Италия терма жамоаси собиқ устози Чезаре Пранделли мамлакат бош жамоаси бошқарувига яна қайтишга қарши эмас.
Маълумот учун, мутахассис 2010-йилдан 2014-йилгача «скуадру адзурра»ни бошқарганди.
«Ўйлаб кўрдим, аммо фақат расмий таклиф бўлгандан кейингина бу ҳақида гапиришим мумкин. Бундан таклиф бўладиган бўлса рад эта олмайман. Керак бўлса, минг марта розилик беришим мумкин.
Вентура билан яхши муносабаттамиз. Швецияга қарши ўйиндан кейин унга қўнғироқ қилмоқчи бўлдим, аммо жасоратим етмади.
Унга жуда ҳам ачиндим, бироқ буни унга билдирмадим. Бўлган ишларда Вентуранинг айби йўқ. Ҳамма айб раҳбариятнинг иш тизимида эди» – дейди Пранделли.
Италия терма жамоаси Пранделлининг қўли остида Евро-2012 финалигача етиб боришган, аммо ҳал қилувчи баҳсда Испания терма жамоасидан 4:0 ҳисобида енгилишган эди.
