Italiya terma jamoasi sobiq ustozi Chezare Prandelli mamlakat bosh jamoasi boshqaruviga yana qaytishga qarshi emas.

Ma’lumot uchun, mutaxassis 2010-yildan 2014-yilgacha «skuadru adzurra»ni boshqargandi.

«O‘ylab ko‘rdim, ammo faqat rasmiy taklif bo‘lgandan keyingina bu haqida gapirishim mumkin. Bundan taklif bo‘ladigan bo‘lsa rad eta olmayman. Kerak bo‘lsa, ming marta rozilik berishim mumkin.

Ventura bilan yaxshi munosabattamiz. Shvesiyaga qarshi o‘yindan keyin unga qo‘ng‘iroq qilmoqchi bo‘ldim, ammo jasoratim yetmadi.

Unga juda ham achindim, biroq buni unga bildirmadim. Bo‘lgan ishlarda Venturaning aybi yo‘q. Hamma ayb rahbariyatning ish tizimida edi» – deydi Prandelli.

Italiya terma jamoasi Prandellining qo‘li ostida Yevro-2012 finaligacha yetib borishgan, ammo hal qiluvchi bahsda Ispaniya terma jamoasidan 4:0 hisobida yengilishgan edi.