"Барселона" клуби Испания чемпионатида "Депортиво"га қарши учрашувнинг (4:0) биринчи бўлимида ўрталарида жароҳат олиб майдонни тарк этган ҳужумчи Пако Алькасернинг ҳолати ҳақида хабар берди.
24 ёшли футболчининг чап сони мушаклари шикастланган ва у уч ҳафтага сафдан чиқди. Тикланиш муддати график бўйича кетса, у 7 январь куни "Леванте"га қарши учрашувда майдонга қайтиши мумкин.
Шу тариқа Алькасер "Реал"га қарши класикода ва 4 январь куни Испания кубоги 1/8 финали доирасида "Сельта"га қарши учрашувларда иштирок эта олмайди.
