Лондоннинг “Челси” жамоаси бош мураббийи Антонио Конте ўзининг клубдан кетиши ҳақидаги хабарлари ҳақида гапирди.

“Ҳар куни кетишим ҳақида гапларни эшитяпман. Бу нотўғри. Ўтган мавсумда қилган ишларимдан кейин оз бўлса-да, хурмат орттира олдим деб ўйлайман. 

Мен учун ҳар жамоанинг бошқа бир мураббий билан музокаралар олиб боргани ёки келишиб олгани ҳақида маълумотларни ўқиш жуда оғир.

Менинг яна бир йиллик шартномам бор. Айни дамда жамоанинг ривожланиши ва ўсишидан жуда мамнунман. Агарда футболни тушунадиган бўлсангиз, ҳотиржам бўлардингиз. Чунки барча ишлар яхши кетмоқда.

Ўтган мавсумда биз кенг кўламдаги ишларни бажардик ва бу давом этмоқда. Айни дамда жамоанинг ўртача ёшини кичрайтиришни ўйламодамиз. “Челси” каби жамоа учун бу жуда мухим. Чунки келажакка биздан яхши таркиб қолиши керак”, - дейди Конте.