Londonning “Chelsi” jamoasi bosh murabbiyi Antonio Konte o‘zining klubdan ketishi haqidagi xabarlari haqida gapirdi.

“Har kuni ketishim haqida gaplarni eshityapman. Bu noto‘g‘ri. O‘tgan mavsumda qilgan ishlarimdan keyin oz bo‘lsa-da, xurmat orttira oldim deb o‘ylayman. 

Men uchun har jamoaning boshqa bir murabbiy bilan muzokaralar olib borgani yoki kelishib olgani haqida ma’lumotlarni o‘qish juda og‘ir.

Mening yana bir yillik shartnomam bor. Ayni damda jamoaning rivojlanishi va o‘sishidan juda mamnunman. Agarda futbolni tushunadigan bo‘lsangiz, hotirjam bo‘lardingiz. Chunki barcha ishlar yaxshi ketmoqda.

O‘tgan mavsumda biz keng ko‘lamdagi ishlarni bajardik va bu davom etmoqda. Ayni damda jamoaning o‘rtacha yoshini kichraytirishni o‘ylamodamiz. “Chelsi” kabi jamoa uchun bu juda muxim. Chunki kelajakka bizdan yaxshi tarkib qolishi kerak”, - deydi Konte.