“Манчестер Сити” жамоаси футболчиси Кевин де Брюйненинг клуб билан тузадиган янги шартнома борасида маълумотлар янгради.

Brexit маълумотларига кўра, футболчи энди маошини фунтда эмас, еврода қабул қилади. Янги келишувга кўра, Кевиннинг маоши ҳафтасида 230 минг еврони (йилига 12 млн евро) ташкил этади. Агарда шартнома имзоланса, футболчига яна 10 млн евро мукофот ҳам берилади.

Хавбек йилига 2,25 млн еврони ўз имижлик ҳуқуқлари эвазига ишлаб олади.

Агарда, “Олтин тўп” унга насиб этадиган бўлса маоши ҳафтасида 400 минг еврога, имижлик ҳуқуқларидаги маблағ 735 минг еврога кўпаяди.

Эслатиб ўтамиз, де Брюйне бу мавсумда 7 гол уриб, 11 бора голларга ассистент бўлишга улгурди.