“Милан” клубининг собиқ эгаси Сильвио Берлускони жамоа бош мураббийи Женнаро Гаттузога тавсия берди.

“Мен “Милан”нинг собиқ президентиман, бироқ клубнинг содиқ мухлиси бўлиб қоламан. Тўғриси, жамоанинг ўйинларини охиригача кўрсам, ўзимда оғриқлар ҳис қиламан.

Чунки “Милан”нинг айни дамдаги ўйин услубидан норозиман. Жамоа икки нафар марказий ҳужумчи билан ўйнаши лозим.

Улардан бири Сусо бўлиши керак. Унинг орқасида Бонавентура бўлади ва у Каканинг ролини бажаради. Ҳозирги тактикага кўра, Сусо ва Бонавентура дарвозадан узоқроқ ўйнамоқда.

Гаттузога омадлар тилайман, бироқ бу даражадаги ўйин билан узоққа бориб бўлмайди”, - дейди Берлускони.