“Milan” klubining sobiq egasi Silvio Berluskoni jamoa bosh murabbiyi Jennaro Gattuzoga tavsiya berdi.
“Men “Milan”ning sobiq prezidentiman, biroq klubning sodiq muxlisi bo‘lib qolaman. To‘g‘risi, jamoaning o‘yinlarini oxirigacha ko‘rsam, o‘zimda og‘riqlar his qilaman.
Chunki “Milan”ning ayni damdagi o‘yin uslubidan noroziman. Jamoa ikki nafar markaziy hujumchi bilan o‘ynashi lozim.
Ulardan biri Suso bo‘lishi kerak. Uning orqasida Bonaventura bo‘ladi va u Kakaning rolini bajaradi. Hozirgi taktikaga ko‘ra, Suso va Bonaventura darvozadan uzoqroq o‘ynamoqda.
Gattuzoga omadlar tilayman, biroq bu darajadagi o‘yin bilan uzoqqa borib bo‘lmaydi”, - deydi Berluskoni.
