АПЛнинг 16-тури доирасида бўлиб ўтган «Манчестер Юнайтед» ва «Манчестер Сити» жамоалари ўртасидаги ўйиндан кейин икки жамоа футболчилари ва мураббийлари ўртасида можаро келиб чиққанди.

Англия футбол ассоциацияси (FA) клублар ва бошқа гувоҳлар томонидан тақдим этилган барча маълумотларни ўрганиб чиқиб, жамоаларга нисбатан чора кўрмасликка қарор қилди.

Эслатиб ўтамиз, меҳмонлар "Олд Траффорд"да қозонилган ғалабани катта хурсандчилик билан нишонлагани «МЮ» бош мураббийи Жозе Моуриньога ёқмаганди. Натижада португалиялик мутахассис ва «Сити» дарвозабони Эдерсон ўртасида можаро юзага келди. Кейинчалик вазиятга бошқа футболчилар ҳам қўшилишди. Натижада пластик идиш билан Моуриньонинг бошига уришган бўлса, «Сити»нинг иккинчи дарвозабони Микель Артетенинг қоши ёрилди.

Юзага келган тўқнашувда «МЮ» ҳужумчиси Ромелу Лукаку фаол иштирок этди. Мазкур можаро «Олд Траффорд» хавфсизлик хизмати ходимлари аралашиши туфайли барҳам топди.