Мюнхеннинг “Бавария” клуби футболчиси Хамес Родригес ўзининг янги жамоасидаги иштироки ҳақида гапирди.

“Илк мавсумимнинг ярмидан мамнунман. Янги йил танаффусига яхши кайфиятлар билан чиқиб кетдик. Кейинги йилда ҳам шундай омадли иштирок этишга умид қиламиз.

“Бавария”да барчаси аъло даражада. Бу ерда кўп йиллар ўйнамоқчиман.

“Бавария” “Реал”га ўхшайди, улар юқори даражага эга. Бу клублар фақатгина совринлар ютишни исташади. Мен учун “Бавария” – абсолют топ-клубдир.

Мюнхен менга ёқади. Бироз совуқроқ, бунга ҳам кўникдим Бундай фантастик шаҳарда менинг янги ҳаётим бошланди”, - дейди Хамес.

Колумбиялик футболчи “Бавария” таркибида ижара асосида ҳаракат қилмоқда. Унинг трансфер ҳуқуқлари “Реал”га тегишли. У янги жамоаси билан 2022 йилга қадар шартнома имзолади.