“Манчестер Сити” бугун АПЛнинг 19-тур доирасида ўз майдонида “Борнмут” жамоаси дарвозасига 4 та гол урди.

Гап шундаки, “шаҳарликлар” 2017 йил давомида АПЛда 100 та гол урган илк жамоага айланди. Бундай кўрсаткичга ҳали АПЛда бирор жамоа эриша олмаган.

Премьер-лигага асос солингунига қадар бир йил давомида фақат “Ливерпуль” 1982 йил 106 та гол урганди.

Шунингдек, Гвардиола ҳам ўзи бошқарган жамоаларида ғалаба қозониш бўйича шахсий рекордини янгилади. Хосеп 2010/2011 йил мавсумида “Барселона” билан 16 та ўйинда кетма-кет ғалаба қозонган.

Пеп 2013/2014 йил мавсумида “Бавария” билан Бундеслигада 19 марта ғалаба қозонганди.