Англиянинг “Dailystar” нашрининг хабарига кўра, Мадриднинг “Реал” клуби ҳужумчиси Гарет Бэйл Бернабеуни тарк этиб, “Манчестер Юнайтед” клубига қўшилиш истагида.
Хабарда айтилишича, Бэйл ёзда “қизил иблислар” сафига ўтишни истаган, лекин трансфер нархининг қимматлиги эвазига ушбу харид амалга ошмай қолган.
“Юнайтед” Бэйлнинг трансфери учун 53 миллион фунт таклиф этган, бироқ мадридликлар футболчилари учун 80 миллион евро сўрашган.
Шунингдек, Бэйл “Реал”да Зинедин Зидан олиб бораётган сиёсатдан норозилиги ҳақида ҳам хабарда ёзилмоқда.
Маълумот учун, Бэйл жорий мавсум 8 марта майдонга тушиб, 3та гол урган.
