Лондоннинг “Тоттенхэм” жамоаси бош мураббийи Маурисио Почеттино “Бернли”га (3:0) қарши учрашувдан кейин ҳужумчи Харри Кейнни мақтади.
“Ҳар доим бугунгидек тўп суришимиз жуда мухим, бу эса тезроқ тикланишимизга ҳам ёрдам беради. Жамоа бугун жуда яхши курашди. “Бернли” ҳозирда ажойиб мавсумни ўтказмоқда.
Ёқимли ҳиссиётларни ҳис қиляпман. Ҳозирда жуда яхши ҳолатдамиз ва топ-4 учун курашамиз. Ғалаба эса пойгада эканлигимизни исботлайди. Энди барқарорликни ушлаб, кўтарилиб олишимиз лозим.
Харри Кейн аъло даражадаги ўйинни намойиш қилмоқда. У Алан Ширердан ўтиб кетиши учун яна бир гол керак. Кўрамиз, кейинги ўйинда нима бўларкин. Кейн мени лол қолдиришда давом этмоқда”, - дейди Почеттино.
