“Лестер” жамоаси ҳимоячиси Харри Магуайр “Манчестер Юнайтед” (2:2) клубига қарши учрашув ҳақида гапирди. У 90+4-дақиқада гол уриб, жамоасини мағлубиятдан қутқариб қолди.

“Сўнгги дақиқада жамоага дуранг келтирган голни уриш – биз учун яхши ҳодиса, бироқ ғалаба қозонмадик. “МЮ”да ўйинни “ўлдириш” учун имкониятлар кўп бўлди, бироқ Каспер Шмейхель жуда яхши ўйнади.

Шундай темпда давом эттиришимиз керак. Ҳисоб 1:2га етганидан кейин яхши ўйин кўрсатдик, мен эса вазиятдан фойдалана олдим.

Бизга янги бош мураббий келди, натижа эса кўринмоқда. “Кристал Пэлас”дан учралган мағлубиятни муҳокама қилдик ва хулосалар чиқаргандик”, - дейди ҳимоячи.