Германия терма жамоасининг собиқ бош мураббийи Берти Фогтс "Бавария" клубининг трансфер сиёсати ҳақида фикр билдирди.
Клуб президенти Ули Хёнесс ва клуб бошқаруви раиси Карл-Хайнц Румменигге мюнхенликлар трансферлар учун катта пуллар сарфламаслиги ва ўз тарбияланувчиларига таянишини бир неча марта айтиб келдилар.
"Уч марта 20 миллион сарфлаб кучсиз ўйинчи сотиб олгандан, бир марта 80-90 миллион евролик футболчи сотиб олган яхши. "Бавария" бундай қилмаслиги керак. Жамоага янги қон керак. Бундан ташқари, "Бавария"га ҳуумкор қанот футболчилари керак. Яна энг яхшиси - Ханкес билан шартномасини бир йилга узайтиришни келишиб олишдир", - дейди Фогтс.
