Англиянинг “Манчестер Юнайтед” жамоаси раҳбарияти ярим ҳимоячи Маруан Феллайнини клубда олиб қолишмоқчи.
Бельгиялик сентябрь ойида жамоа билан шартнома узайтиришни хоҳламаганди. Бироқ раҳбариятдагилар Феллайнига яна бир шартнома таклиф қилди. Миш-мишларга кўра, манкуианликлар унга кейинги икки йилда ҳафтасида 150 минг фунт маош беришга тайёр. Айни дамда унинг маоши ҳафтасига 120 минг фунтни ташкил этади.
Маруан кейинги ҳафтадан бошлаб, бошқа жамоалар билан музокара ўтказишга тайёрланмоқда. Унинг ҳозирги келишуви 2018 йилнинг ёзига қадар давом этади.