“Тоттенхэм” клуби бош мураббийи Маурисио Почеттино “Саутгемптон”га қарши учрашув (5:2) дан сўнг хетт-рик муаллифига айланган Харри Кейн ҳақида илиқ фикрлар билдирди.
“Кейннинг исми дунёнинг энг кучли футболчилари қаторида турибди. Буни олдинроқ ҳам айтгандим, Кейннинг натижаси фантастика. Харри ва жамоамни бугунги ғалаба билан табриклайман. Бундай футболчилар жаҳон футболига албатта, керак.
Ушбу ҳолат бизни ҳайрон қолдираётгани йўқ. Биз ҳар куни Кейн машғулотлардан қандай шуғулланаётганини кузатиб борамиз, у ўз ишининг устаси. Кейннинг қилаётган ишлари фақат ўз фойдасига ҳал бўлади”, - дейди Почеттино.
