"Лацио" бош мураббийи Симоне Индзаги "Интер" билан дурангдан сўнг (0:0) видеотакрорларга қарши эканини айтди.
"Интер" билан учрашувдаги икки вазиятни қўшганда, биз етти очко йўқотдик.
Афсуски, бу система "Лацио"га зарар келтиряпти. Тушунаман, бу пенальти эмас эди, аммо факт, бу факт - видеотакрор қўлланилмаган вақтларда бизга қарши қарор чиқарилган эди.
Тўғрисини айтаман - менга бу система ёқмади. Мен видеотакрорлар қўлланмайдиган Европа лигаси ўйинларидан завқ оламан. Футболчилар ва мухлисларга ҳам бу ёқмаса керак, улар хурсанд бўлишлари олдидан бир неча дақиқа кутиб қоладилар.
Нима бўлганда ҳам биз ғалабага ҳақли эдик. "Интер"нинг кубок ўйинидан сўнг чарчаганлигини айтишмоқда, аммо биз ҳам "Фиорентина" билан ўйнадик. Ўйинчиларим дурангдан қогниқмаганларидан фахрланаман. Бу жамоанинг етуклигидан далолат", - дейди Симоне Индзаги.
