"Атлетико" ҳужумчиси Диего Коста майдонга қайтишни сабрсизлик билан кутаётганини айтди.
ФИФА "Атлетико"га қўллаган санкция туфайли футболчи 2018 йилнинг 1 январигача бу бахтга риша олмай келаётган эди. Футболчи 2017 йилнинг сентябрида "Челси"дан мадридликлар сафига қайтган эди.
"Атлетико" қайтганим учун клубга миннатдорчилик билдираман. Мен яхши тайёргарлик кўрдим ва майдонга қайтиш учун катта иштиёқ сезяпман. Буни узоқ вақт кутдим. Қанча машқ қилма, ўйин амалиётига тенг келмайди. Машғулотлардан чарчадим. "Челси" буюк клуб, у ҳақида ёқимли хотираларим қолди", - дейди Коста.