Каталониянинг “Барселона” клуби бош мураббийи Эрнесто Вальверде жамоанинг уч нафар етакчиси Лионель Месси, Луис Суарес ва Андрес Иньестага дам беришга қарор қилди. Уч футболчи ҳам Испания Кубокининг1/8 финалидан ўрин олган “Сельта”га қарши сафар учрашувига олиб кетилмади.
Мазкур ўйинни шунингдек, каталонияликлар сафида Арда Туран, Жерар Деулофеу ва Рафинья Алькантаралар ҳам ўтказиб юборишади. Пако Алькасер ҳамда ҳимоячиси Самуэль Юмтити жароҳати боис “Барса”га ёрдам бера олишмайди.
“Барселона” Виго шаҳрига қуйидаги футболчилар билан йўл олди: тер Стеген, Силлессен, Семеду, Пике, Ракитич, Серджи Роберто, Денис Суарес, Маскерано, Паулиньо, Альба, Динь, Серхи Бускетс, Дембеле, Андре Гомес, Видаль, Вермален, Аленья, Арнаис.
