2017 йили энг катта ўсишга эришган терма жамоалар - Дания, Швеция ва Боливия. ФИФА расмий сайтида эълон қилинган янги рейтингга қарасак шундай.

Бу 3та миллий жамоанинг рейтинг масаласидаги ўсишига эътибор қаратинг: Дания - 46-ўриндан 12-ўринга (+38 поғона), Швеция - 41-ўриндан 18-ўринга (+23 поғона) ва Боливия - 95-ўриндан 49-ўринга (+46 поғона). Умумий ҳолатни олсак, декабрь ойи давомида ўртоқлик ўйинлари ҳам кузатилмади, ҳисоб.

Шунга мувофиқ, ФИФА рейтингида катта ўзгариш бўлишини кутиш ноўрин эди. Демак, 21 декабрь куни эълон қилинган жаҳон рейтингида дастлабки 35талик аввалги ҳолатида қолди.

Фақат Япония термаси 23 очко йўқотганию, Хитой миллий жамоаси 63 очкога «камбағаллашгани»ни айтиш жоиз. Ўзбекистон терма жамоаси эса кутилмаганда, 2 поғона юқорига кўтарилди - 78-ўрин (ОФК миқёсида 9-ўрин).

*** Ўзбекистон миллий жамоаси 2017 йил давомида ФИФА рейтингида қуйидаги поғоналарни банд этди: январь - 61-ўрин; февраль - 63-ўрин; март - 63-ўрин; апрель - 60-ўрин; май - 60-ўрин; июнь - 62-ўрин; июль - 65-ўрин; август - 64-ўрин; сентябрь - 69-ўрин; октябрь - 76-ўрин; ноябрь - 80-ўрин; декабрь - 78-ўрин.

*** Термамиз йил давомида 8та ўйин ўтказиб, 2та ғалаба, 2та дуранг ва 4та мағлубият қайд этди. Айтганча, жамоамиз сўнгги марта 2010 йили бундан камроқ ўйин (атиги 7та)да майдонга тушган ва ҳаттоки, 109-ўринга тушиб кетганди. 2016 йилнинг декабрь ойида ФИФА рейтингида 563 очкога эга эдик. Ҳозир эса 441 очко қолди, демак, бир йил ичида 122 балл йўқотдик.

*** Осиё ёхуд ОФК етакчиси Эрон термаси йил давомида 29-ўриндан 32-қаторга тушди.

*** 1998 йилнинг ноябрида жаҳон бўйича 27-ўринга кўтарилган Саудия Арабистони термаси (жамоанинг тарихий натижаси) 63-қатордан жой олди, гарчи бу йил ниҳоят, ЖЧ йўлланмасини қўлга киритган бўлсада.

*** Ой якунларига кўра, ОФК миқёсида ўринлар бўйича энг яхши ўсишни Вьетнам (Қ13 ўрин), Мўғулистон (Қ12) ва Мьянма (Қ10) термалари қайд этди. Очколар бўйича қарасак, бу учлик тартиби бироз ўзгаради: Мўғулистон, Вьетнам, Мьянма.

*** КХДР, Хитой ва Индонезия - бу жамоалар Осиёда ўринлар бўйича энг шиддатли қулашга дуч келди. Очко йўқотиш масаласида «етакчи» учлик қуйидаги кўринишда - Хитой, КХДР, Япония.

*** Ён қўшниларимиз (Туркманистон - 114-ўрин, Қирғизистон - 115-ўрин, Тожикистон - 126-ўрин, Қозоғистон - 137-ўрин ва Афғонистон - 148-ўрин) жамоаларидан ҳеч бири кучли 100таликка яқинлашолмади. Ваҳоланки, ДАВОМИ

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.