Грециянинг “Олимпиакос” клуби испаниялик мутахассис Оскар Гарсияни жамоанинг янги бош мураббийи этиб тайинлади.
Гарсия мураббийлик фаолиятини “Барселона” ёшлар жамоасида бошлаган. Оскар “Маккаби”ни Исроил чемпионатида бош совринни олиши ва “Ред Булл Зальцбург” жамоаларинг Австрия чемпионатида икки марта чемпион бўлишига ҳиссасини қўшган.
Маълумот учун, 44 ёшли мутахассиснинг сўнгги жамоаси “Сент-Этьен” бўлганди.
“Олимпиакос” клуби Греция чемпионатида 15-турдан сўнг, 32 очко билан пешқадам бўлиб турибди.
Бироқ аввал ишлаган мураббий Такис Лемонис “Олимпиакос”ни Еврокубокларга чиқа олмагани сабаб бўшатилган.
