Gresiyaning “Olimpiakos” klubi ispaniyalik mutaxassis Oskar Garsiyani jamoaning yangi bosh murabbiyi etib tayinladi.
Garsiya murabbiylik faoliyatini “Barselona” yoshlar jamoasida boshlagan. Oskar “Makkabi”ni Isroil chempionatida bosh sovrinni olishi va “Red Bull Zalsburg” jamoalaring Avstriya chempionatida ikki marta chempion bo‘lishiga hissasini qo‘shgan.
Ma’lumot uchun, 44 yoshli mutaxassisning so‘nggi jamoasi “Sent-Etyen” bo‘lgandi.
“Olimpiakos” klubi Gresiya chempionatida 15-turdan so‘ng, 32 ochko bilan peshqadam bo‘lib turibdi.
Biroq avval ishlagan murabbiy Takis Lemonis “Olimpiakos”ni Yevrokuboklarga chiqa olmagani sabab bo‘shatilgan.
