Кеча Бухоро вилояти ҳокимлигида «Бухоро» футбол клубининг навбатдан ташқари йиғилиши бўлиб ўтди. Йиғилишни Бухоро вилоят ҳокими Ўктам Барноев ўтказди.
Кун тартибидан бир қатор масалалар ўрин олди. Хусусан янги мавсум олдидан жамоанинг тайёргарлигини кучайтириш ва янада курашчан таркибни шакллантириш борасида сўз борди.
Йиғилиш чоғида «Бухоро» футбол клуби бош директорида ўзгариш юз бергани маълум қилинди. Бунгача ушбу лавозимда фаолият юритиб келган Амрилло Нажмиддинов истеъфога чиқди.
Эндиликда бош директор сифатида Акбар Фозилов иш олиб борадиган бўлди. Умид қиламизки, Акбар Алишерович бошчилигида «Бухоро» футбол клуби янада юксак натижаларни қўлга киритиб, мухлисларни қувонтиради деган умиддамиз.
«Бухоро» матбуот хизмати.
