Kecha Buxoro viloyati hokimligida «Buxoro» futbol klubining navbatdan tashqari yig‘ilishi bo‘lib o‘tdi. Yig‘ilishni Buxoro viloyat hokimi O‘ktam Barnoyev o‘tkazdi.
Kun tartibidan bir qator masalalar o‘rin oldi. Xususan yangi mavsum oldidan jamoaning tayyorgarligini kuchaytirish va yanada kurashchan tarkibni shakllantirish borasida so‘z bordi.
Yig‘ilish chog‘ida «Buxoro» futbol klubi bosh direktorida o‘zgarish yuz bergani ma’lum qilindi. Bungacha ushbu lavozimda faoliyat yuritib kelgan Amrillo Najmiddinov iste’foga chiqdi.
Endilikda bosh direktor sifatida Akbar Fozilov ish olib boradigan bo‘ldi. Umid qilamizki, Akbar Alisherovich boshchiligida «Buxoro» futbol klubi yanada yuksak natijalarni qo‘lga kiritib, muxlislarni quvontiradi degan umiddamiz.
«Buxoro» matbuot xizmati.
