"Интер" ҳуумчиси Габриэл Барбоза (Габигол) Италия чемпионатининг 2017 йил натижаларига кўра энг ёмон ўйинчи деб топилди, дея хабар беради Football Italia.

Футболчи "Олтин чиқинди қутиси" совринига муносиб кўрилди.

Эслатиб ўтамиз, бразилиялик футболчи 2016 йилда "Сантос"дан 33,5 миллион евро эвазига "Интер"га ўтган эди. Шундан буён у амоанинг бошланғич таркибидан бирон марта ўрин олмаган ва 10 та учрашувда 1 гол урган.

2017 йилнинг августидан "Бенфика"да иарада ўйнамоқда. Футболчи Португалияда 5 учрашувда майдонга тушди.