Мадриднинг “Реал” клуби ҳимоячиси Марсело “қироллик клуби”нинг Испания чемпионатидаги ўрни ҳақида гапирди.
“Ҳамма бизни асабийлашган ва чўкиб бораётган кемадаги инсонлар дея ўйламоқда. Тўғри, бу менинг “Реал”га келганимдан кейин кўраётган энг ёмон натижаларим бўлса керак.
Биз бундан буёғига ҳам астойдил машғулотларда ишлаймиз ва ғалаба учун курашамиз. Бу ҳолат бизга ёқмаяпти. Ҳар бир қўлдан бой берилган очколар бизга қаттиқ таъсир ўтказмоқда. Жуда ҳам оғир вазиятда турибмиз.
Бошимизни эгмасдан яна ғалаба ва рақибларни тиз чўктиришни истаймиз”, – деди Марсело.
