Аввал хабар берганимиздек бугун Фарғона шахрининг “Нефтчи СК” стадионида “Нефтчи” хамда “Цементчи” жамоалари ўртасида назорат учрашуви бўлиб ўтди.
Бугунги учрашув давомида Супперлигага таёргарлик кўраётган Қувасойнинг “Цементчи” жамоаси таркибида кўригда бўлиб турган бир қатор футболчилар майдонда харакатландилар.
Дастлаб учрашувнинг 17 дақиқасида тажрибали Аббос Махситалиев гол киритиб “Цементчи” жамоасини олдинга олиб чиқди. Учрашувнинг 62 дақиқасида Абдул Азиз Юсупов хисобни 0:2 кўринишига келтирган бўлса, 73 дақиқага келиб захирадан тушган Ризо Айвазов хисобни қисқартиришга эришди. Учрашувда бошқа гол киритилмади.
Учрашув 1:2 хисобида қувасойликларнинг ғалабаси билан якунланди.
Жамоамиз “Цементчи” таркиби хақида гапирадиган бўлсак, жамоа мураббийлари ўтган мавсумда харакатланган ва хозирда шартнома муддати якунига етган футболчилар билан дўстона хайирлашиб хозирда бир қатор янги футболчиларни кўрикдан ўтказмоқдалар.
Бугунга қадар “Цементчи” жамоаси таркибига “Қизилқум” жамоасидан Шукурали Пўлатов ва Отабек Исроилов, “Бухоро”дан Сардор Қобилжонов, “Навбахор” жамоасидан Аббос Махсталиев ва Саид Абдужабборов, “Бунёдкор” ёшлар жамоаси аъзоси Иброхим Ғофуров, ва ўтган масумда “Андижон” таркибида ишончли ўйинлар ўтказган Қахрамон Мухаммаджоновлар келиб қўшилган.
Назорат учрашуви.
"Нефтчи" - "Цементчи" 1:2
Гол: Риза Айвазов (73) - Аббос Махсталиев (17), Абдулазиз Юсупов (62)
"Цементчи": Фарруҳ Турдалиев, Иқбол Бобохонов, Даврон Маматов, Шукурали Пўлатов, Жамшид Қобулов, Суннатилло Эрматов, Аббос Махсталиев, Даврон Иоқов, Отабек Аҳмаджонов, Абдулазиз Юсупов, Отабек Исроилов
"Нефтчи": Шерзод Абдураимов, Хасанбой Эргашев, Мансур Саидов, Шерзод Ҳакимов, Миржамол Неъматов, Аброр Исмоилов, Ислом Каримов, Эламон Каримов, Аваз Ўлмасалиев, Мўйдин Мамазулунов
“Цементчи” жамоаси матбуот хизмати
