“Барселона” ва “Палмейрас” клублари ҳимоячи Йерри Мина трансфери борасида келиша олишмаяпти.

Колумбиялик футболчи трансфер ишларини якунлаш учун душанба куни Испанияга келиши керак эди. Аммо жамоалари трансфер борасида бир тўхтамга келишмаган.

“Палмейрас” “Барселона”дан трансфер суммасига яна 1,8 миллион евро қўшиб беришни таълаб қилмоқда. Ажратилган қўшимча пуллар ФИФА қонунлари бўйича футболчининг илк жамоаси “Санта-Фе”га топширилиши керак. Агар “Барса” қўшимча пуллар тўлайдиган бўлса, трансфернинг умумий нархи 12,39 миллион еврони ташкил этади.

“Барселона”дагилар “Палмейрас” билан 11,8 миллиорн евролик келишувни имзолаш ҳақида ўйлаб юришган. Бунда “Палмейрас” “Санта-Фе”га ўзи тўлаб бериши керак бўлади.

Шунингдек, “Барселона” “Палмейрас”га трансфер пулларини бўлиб тўлаш режасида, аммо бразилияликлар бир йўла ҳамма пулни бир урунишда олишмоқчи.