"Реал" бош мураббийи Зинедин Зидан кубок учрашуви олдидан футболчилар билан йиғилиш ўтказди ва улардан эътироз эшитди.

Машғулотгача ўтказилган жамога йиғилиши 45 дақиқа давом этди. Унда Зидан футболчиларни жипслашишга ва чемпионатдаги аҳволни яхшилашга ундади. Шунингдек, ЕЧЛда "ПСЖ"га қарши қийин ўйинларни эслатди.

Мураббий йиғилишда гапирган айрим гаплари сир бўлиб қолмоқда. Зидан буни ОАВ билан бўлишишни истамасда, қисқача шарҳлаб ўтди.

"Бундай ҳолатга тушиб қолгандан сўнг ундан чиқишнинг ягона йўли бу - ишлаш. Мен ўз рецептимнинг муваффаққиятига ишонаман. Барча жабҳаларда ишлаш керак, гап фақат жисмоний ҳолатда эмас, руҳий ҳолат ҳам муҳим. Кимгадир лой чапламайман, кимнидир айбламайман, ҳамма бир қайиқда. Бу қайиқни ҳеч ким тарк этмайди" дейди Зидан.

Cadena SERнашри ушбу суҳбат ҳақида баъзи маълумотларни олган. Йиғилишда жамоа етакчилари Криштиану Роналду, Серхио Рамос ва бошқа испан футболчилари ўз фикрларини айтган.

Ёш футболчилар ҳам ўз дардларини яширмаганлар. "Ким кўп машқ бажарса - ўша майдонга тушиши ҳақидаги гаплар ёлғон бўлиб чиқяпти", - дея эътироз билдирган ёшлар. Ёшлар бу эътирозни хотиржам тарзда айтганлари таъкидланмоқда. Cadena SER га кўра, футболчиларнинг бири бу йиғилишни "Зерикарли ва фойдаси кам" деб атаган.