Adidas компаниясининг твиттердаги расмий саҳифаси “орзулар театри”га ҳуш келибсан Дибала” дея твит қолдирди. Лекин орадан бироз вақт ўтиб ушбу постни қайта ўчириб ташлади.
Маълумот учун, “орзулар театри” дея “Манчестер Юнайтед”нинг уй стадиони ҳисобланмиш, “Олд Траффорд”ни назарда тутилади.
Эслатиб ўтамиз, аввалроқ Nike компанияси ҳам Филиппе Коутиньо “Барселона”га ўтмасидан аввал унинг либослари сотувга чиқарилиши ҳақида твиттер саҳифасида пост ёзиб қолдирганди. Кейинчалик Коутиньо расман “Барселона”га кўчиб ўтди.
Балки “қизил иблислар” ҳам Пауло Дибала билан аллақачон шартнома имзолаб бўлгандир? Буни вақт кўрсатади. Биз эса воқеалар ривожини кузатамиз.