Ўзбекистон олимпия терма жамоаси U-23 ёшлар ўртасидаги Осиё чемпионати “A” гуруҳи 2-тур учрашуви доирасида Хитойга қарши учрашувга тайёгарликни давом эттирмоқда.

Хитойнинг Чангжоу шаҳрида Осиё чемпионатида иштирок этаётган Ўзбекистон олимпия терма жамоаси бугун маҳаллий вақт билан соат 15:45да Хитойга қарши учрашув олдидан ўзининг якуний машғулотларини ўтказди. Айни дамда, илк учрашувда жароҳат олган ҳимоячи Акром Комилов якка тартибда машғулот олиб бормоқда. Қолган барча футболчилар эса, машғулотларда иштирок этишди.

Амалий машғулотлардан ташқари, терма жамоа футболчилари эрталаб шунингдек, назарий билимларини мустаҳкамлаш учун машғулотларда иштирок этишди. Шунингдек, рақиб ўйини, уларнинг кучли ва кучсиз томонлари видео орқали таҳлил қилинди. Мураббийлар штаби ҳам рақиб ўйинини таҳлил қилиб учрашувга керакли тактика ва турли схемалар бўйича иш олиб бормоқда.

Эслатиб ўтамиз, Ўзбекистон ҳамда Хитой олимпия терма жамоалари ўртасидаги учрашув эртага Тошкент вақти билан соат 13:00да бошланади. Соат 16:30да эса, “A” гуруҳи 2-туридан ўрин олган Уммон ҳамда Қатар терма жамоалари ўртасидаги учрашув бошланади.