“Барселона” аъзоси Андрес Иньеста Коутиньонинг трансфери ҳақида фикр билдирди. Унинг айтишича, асосий таркибдаги ўрнини йўқотиб қўйишидан чўчимаётган экан.

“Мен “Барселона” футболчисиман ва доим бизнинг жамоада дунёнинг энг кучли футболчилари ўйнаши кераклигини айтганман. Коутиньо ҳам ана шундай футболчилар сирасига киради. Унинг “Барселона”га ўтиши рақобатбардошлигимизни кучайтиради. 33 йил давомида кимдир мени асосий таркибдан сиқиб чиқариши ҳақида ўйламаганман. Коутиньога келадиган бўлсак, биз у мақсадимизга биргаликда эришамиз”, деди Иньеста.