Туркияда ўқув-йиғин машғулоти ўтказаётган "Пахтакор" бугун иккинчи назорат учрашувини ҳам ғалаба билан якунлади.
Туркия иккинчи лигаси иштирокчиси "Амедспор" клуби билан учрашувда тошкентликлар 2:0 ҳисобида ғалаба қозондилар. Акмал Шораҳмедовнинг 4-дақиқада ҳисобни очган бўлса, иккинчи бўлимнинг охирларида Темур Ҳакимов ҳисобни 2:0 га етказди.
Таъкидлаш жоиз, "Пахтакор" давозабони Александр Лобанов 12-дақиқада пенальтини қайтарган.
Эслатиб ўтамиз, Лобанов жамоасининг бу йиғинида қаторасига учинчи пенальтини қайтармоқда. Туркия 3-лигасининг""Тургутлуспор" жамоасига қарши биринчи назорат учрашувида у иккита пенальтини қайтарган эди.
Назорат учрашуви
"Пахтакор" - "Амедспор" 2:0 (1:0)
Голлар: Шораҳмедов (4), Ҳакимов (86)
Пахтакор (1-бўлим): Лобанов, Сайфиев, Симич, Аъзамов, Шораҳмедов, Аҳмедов, Раҳматуллаев, Машарипов, Искандеров, Абдураҳимов, Безерра
