“Барселона” ҳужумчиси Луис Суарес “Реал Сосьедад”га қарши учрашув (4:2) дан сўнг ўз фикрларини билдириб ўтди.

“Биз қийин вазиятдан қандай чиқиб кетиш йўлини топдик ва Испания чемпионатидаги навбатдаги ғалабани биз учун қийин бўлиб келганстадионда қозондик.

“Барса” айнан мана шундай кайфиятда давом этади. Биринчи даврани ажойиб камбэк билан якунладик. Аммо 0:2 ҳисобидан сўнг бошимизни эгмадик. Улар биринчи бўлимни ажойиб тарзда бошлашди. Прессинг уюштириш эвазига гол уришди. Танаффусгача ҳисобни очганимиз биз учун яхши янгилик бўлди.

Иккинчи бўлимда биз ўзимизга ишондик ва ғалабага эриша олдик. Доим жамоамга ёрдам беришга тайёрман”, – деди Суарес.