"Барселона" клуби ва Уругвай терма жамоаси ҳужумчиси Луис Суарес Россияда ўтадиган жаҳон чемпионатида қайси жамоа фаворит эканини айтди.
"Назаримда, ЖЧ-2018да фаворит жамоалар кўп. Албатта, бу рўйхатга Европа жамоаларини қўшган бўлардим. Аввало, бу амалдаги жаҳон чемпиони — Германия терма жамоаси. Испания ҳам ҳозирда ажойиб ўйин кўрсатмоқда.
Шунингдек, менга французлар ёқади. Уларнинг таркибида кўп ёш футболчилар бор. Улар ҳам ЖЧ-2018да имкон қадар яхши ўйин кўрсатишга ҳаракат қилишади. Улардан кейин эса Аргентина, Бразилия ва Уругвай терма жамоалари тилга олиш жоиз", – деди Суарес.
Эслатиб ўтамиз, Уругвай терма жамоаси Россия, Миср ва Саудия Арабистони билан бир гуруҳдан ўрин олган.