Лондоннинг “Вест Хэм” клуби бош мураббийи Дэвид Мойес “Челси”нинг ҳужумчи Энди Кэрролл хизматларига қизиқиш билдираётгани ҳақидаа фикрларини билдирди.
“Кэрролл трансфери бўйича мен билан “Челси”дан ҳеч ким алоқага чиқмади. Бу ҳақида ҳозирда ҳеч нарса билмайман. Айни пайтда Кэрролл мен бошқараётган жамоа таркибида ва мен бу таркибни янада кучайтиришни истайман.
Умуман трансфер ҳақида ҳеч қандай гап-сўз бўлмади. Ижарага бериш ҳақида кўп янгиликлар тарқалмоқда, бироқ биз “Челси”дан расмий таклиф олганимиз йўқ. Футболчиларимнинг кетишини истамайман, кўпроқ кучайтирсак яхши бўларди. Энди ҳозир жароҳатидан тузалмоқда, уни машғулотларда кутаман”, – дейди Мойес.